برنامج التعاون مع المصممين – متجر good3things
عندك تصاميم حلوة وتتمنى تشوفها مطبوعة على منتجات حقيقية وتنباع داخل السعودية؟
ودك تدخل دخل من تصميمك بدون ما تشيل هم الطباعة، الشحن، ولا إدارة متجر؟
في good3things سوّينا برنامج تعاون يخليك تركز على التصميم، والباقي كله علينا.
🎨 كيف يتم التعاون؟
- ترسل لنا تصاميمك الرقمية وتكون أصلية وجاهزة للطباعة.
- نراجع الأعمال ونختار المناسب منها.
- نعرض التصاميم في متجرنا.
- نتكفل بالإنتاج، الطباعة، التغليف، الشحن، وخدمة العملاء.
- أنت تستلم نسبة ربح عن كل قطعة تنباع من تصميمك.
🤝 وش نقدّم لك؟
- نحول تصميمك لمنتج حقيقي ينباع داخل السعودية.
- نتحمل كل تكاليف الإنتاج والطباعة والشحن.
- ندير المتجر وخدمة العملاء بالكامل.
- نعطيك تقرير مبيعات شهري يوضح وش انباع وكم حقق.
- نحول أرباحك بشكل واضح ومنتظم.
💰 الأرباح
- أنت اللي تحدد نسبة ربحك (نسبة أو مبلغ ثابت).
- الأرباح تُحسب على المبيعات الفعلية.
- يتم صرف مستحقاتك بعد خصم عمولات بوابات الدفع فقط، ويكون كل شيء موضح في التقرير.
🧠 حقوقك كمصمم
- التصميم حقك وما نملك منه شيء.
- تعطينا إذن نستخدمه للطباعة والبيع فقط طول فترة التعاون.
- ما نستخدم تصميمك خارج الاتفاق.
🛠 المطلوب منك
- تصاميم أصلية وما عليها حقوق لأحد ثاني.
- جودة عالية وجاهزة للطباعة.
- تروّج لتصاميمك في حساباتك عشان تزيد المبيعات.
📜 الاتفاق
أي تعاون يكون عن طريق اتفاقية مكتوبة توضح:
- الأرباح
- مدة التعاون
- حقوق الطرفين
- طريقة إنهاء الاتفاق
ولا يبدأ الشغل إلا بعد توقيع الاتفاقية.
🌱 مين يناسبه البرنامج؟
- مصممين جرافيك
- رسامين ديجيتال
- مبدعين يبغون دخل من تصاميمهم بدون مصاريف
- ما يحتاج خبرة في البيع أو المتاجر
📩 كيف تتعاون معنا؟
للمزيد من التفاصيل أو التقديم:
- تواصل معنا
- أرسل ملف أعمالك (Portfolio)
- نبذة بسيطة عنك
نراجع الأعمال، وإذا أعجبتنا، نتواصل معك ونقدم لك اتفاقية التعاون.
good3things
إبداعك علينا نحوله لمنتج… وأنت ركّز على التصميم 👌